TEKS QASIDAH ACEH.BEUDOH TAJAK TAUBAT

BEUDOH TAJAK TAOBAT YOH GOLOM MATEE

Beudoh jak taubat yoh gohlom maté
Yoh gohlom tacré ta tinggai donya
Yoh gohlom tasoek pakaian puteh
Yoh gohlom ta’eh dalam keurunda

Suloh yang awai meu bèk ta eh le
Suloh yang akhee beudoh meujaga
Oh ban teukeujot teuma taduek lé
Laju ta pike limong peukara

Peutama phon-phon ingat keu tuhan
Keudua taulan ingat keu desya
Ingat keu desya ta moe beu kayem
tema takem Kem oh kebri balaa

Teuma yang keulhèe ingat keu maté
Geutanyoe tacré ta tinggai doenya
donya tinggai sinoe di nanggroe
Geutanyoe tawou u asai mula

Teuma yang keupeut ingat keu kubu
Taduek teukuefur taro iemata
ie mata taro metalo talo
taingat sidro dalam keureunda

Teuma keu limong ingat akhirat
Hana treb lambat taduek lam donya
Taduk lam donya sigoe thoe reu’oh
Sang ureung piyoeh yub kayee raya

Kubu pih seupot meukhob ngon arat
Leumah keuh teumpat dalam nuraka
Ji teuka azeub meubago - bago
Teuma lake woe keunoe u donya